Tiriftejo
Ĉi tie vi trovos ligilojn al retpaĝoj de diversaj personoj kaj projektoj, kiujn mi ial trovas vidindaj kaj interesaj. Rigardu ilin; eble iuj plaĉos al vi!
Ĵado estas programistino, kiu fojfoje publkigias utilajn liberajn programetojn, projektojn, kaj servojn – aparte mojosa mi trovis la datumgastigan programon »distribute-coin«. Ŝi ankaŭ skribis plurajn interesajn artikolojn pri diversaj, ne nur teĥnikaj temoj per Esperanto kaj la angla; multe saĝas kaj interesas ekzemple tiu pri »Arteco kaj Derivfikcio«.
Seremel estas verkistino de mallongaj rakontoj per Esperanto, sed ankaŭ per la angla kaj la rusa lingvoj. Apud etaj priskriboj de ordinaraj ĉiutagaj scenoj, vi trovos kelkajn amrakontojn kun fantastaj elementoj – mi nun kun granda intereso atentas la serion »Violo el antikva librejo«. Ĉiuj legiĝas agrable kaj trankvile, kaj iuj eĉ liberas!
La bona lingvo estas projekto kaj laborgrupo, kiu celas atentigi pri la simpleco kaj facileco, kiuj igas Esperanton bona lingvo internacia. Ĝi dokumentas lingvaĵojn, kiuj tiujn ecojn konservas, kaj ankaŭ lingvaĵojn, kiuj ilin malatentas aŭ minacas. Vidu ekzemple ĝiajn listojn de samsignifaj vortoj, kiu bone montras la superfluecon de multaj pruntitaj novesprimoj, kaj povus esti tre utila al vi, se vi preferas ilin eviti. Kaj eĉ se ne, eble vi volus legi pri nia generacia problemo, kiun per sia artikolo lerte priskribis Anna Levenŝtajn (Anna Löwenstein).