Aĥ, se birdoj flugus

Aĥ, se birdoj flugus,
estus bela vido:
homoj ilin ne rigardus
kun malica rido.

Se anstataŭ kuri tere,
traus bird’ aeron,
ja ĝi povus malpli pene
trafi sian celon.

Se nur birdoj scius
levi sin per plumoj,
katoj ilin bonvenigus
inter molaj nuboj.

Ili flugus, dancus, kantus,
super niaj kapoj,
kaj ni ilin ŝatus, dankus,
nutrus el manplatoj.

Aĥ, se birdoj flugus,
mondo estus bela.
Fariĝus pli interesa
pejzaĝo ĉiela.