Gutkatoj

Gutkatoj estas mistero. Kvankam ili delonge estas temo de multaj sciencaj esploroj, oni ne certas, kiam kaj kie gutkatoj unue aperis. Tamen ekzistas tre verŝajna hipotezo pri ilia deveno.

En la jaro 2013, la malica kompanio Guglo eldonis bildosignaron el tiel nomeblaj »gutuloj« (aŭ eble pli bone »gutvermoj«). Kvankam tiuj ne estis universale amataj, ili prezentis tre fortan karakteron, danke al kiu ili kariĝis al multaj personoj. Bedaŭrinde, ilia uzado daŭris nur kvar jarojn; en 2017, ilin anstataŭis ordinaraj rondaj bildosignoj.

Per ia genia ekfulmo iu ideis krei genan miksaĵon de kato kaj gutvermo, kaj tiel krei la unuajn gutkatojn. Oni ne konas la precizajn daton nek lokon, sed iam aperis en la interreto bildosignoj kun la sama formo, kiun havis ankaŭ la guglaj gutvermoj, sed kun elstaraj kataj trajtoj.

Dum la venintaj jaroj, diversaj personoj kreis pli kaj pli da gutkatoj, per redaktado de gutvermoj kaj aliaj gutkatoj. Oni scias, ke gutkatoj frue populariĝis en la mallibera komunikilo Diskordo, sed multe pli grave, ili poste populariĝis ankaŭ en libera Federujo (kie mi ekkonis ilin kaj ekinteresiĝis pri ili).

Kiel ajn vi volas! Mi faris la gutkatojn kiel vektoran grafikaĵon, per la programo [Inkscape]. Vi povas elŝuti la vektorajn SVG-dosierojn per tiucela elŝuta ligilo supre, kaj vi povas redakti ilin per tiu programo, por fari la ŝanĝojn, kiujn vi deziras.

Se vi ne volas prilabori vektoran grafikon, kaj preferas grafikon bilderan, mi rekomendas, ke vi tamen unue elŝutu la vektorajn bildojn, kaj elportu la bildon, kiun vi deziras modifi, al bildera formo je sufiĉe alta distingumo (512 bilderoj larĝe kaj alte verŝajne sufiĉos), kaj redaktu la rezultan bildon. (Vi ĉiam povas malgrandigi bilderan bildon laŭbezone, sed ne eblas laŭplaĉe grandigi ĝin, kaj tial estas saĝe komenci grande.)

Farinte la gutkaton, vi rajtas uzi ĝin kiel ajn vi volas. Mi nur petas, ke vi respektu la permesilon de la originalaj gutkatoj, kiujn vi modifis. Vi povas legi pri tio en la subo de la paĝo.

Jes! Mi volonte akceptas novajn gutkatojn, se ili sufiĉe bone aspektas, sufiĉe taŭgas por ĉi tiu ĝenerala bildosignaro, sufiĉe akordas ĝian stilon, kaj estas leĝe senproblemaj. Mi ne promesas akcepti vian gutkaton, sed vi povas sendi ĝin al mi, kaj mi volonte rigardos.

Por akceptiĝi, gutkato nepre devas esti en formo de vektora grafikaĵo, en la dosierformo [SVG]. La dosiero enhavu jaron de la verko, nomon de la aŭtoro, kaj informon pri la permesilo, kiu devas esti la Permesilo de arto libera (vidu subon de la paĝo). Se vi ne certas, kiel aldoni tiujn pridatumojn, mi volonte faros tion por vi.

Se vi estas teĥnikemulo, kaj vi scipovas pretigi la dosieron ĝuste, vi ankaŭ povas fari flikaĵon por la versiila deponejo, kaj sendi ĝin al mi. Sed tio ne estas necesa.

Ekzistas aliaj gutkataj bildosignaroj, sed ili ĉiuj havas iajn mankojn:

• [DuckOfDisorder] faris ian kolekton de tradiciaj gutkatoj, siadire ĉar ŝi zorgis pri la manko de klareco je aŭtorrajto. Tamen ne klaras al mi, ĉu ŝia kolekto iel klarigas tion aŭ ne.
• [garfieldairlines] faris vastan kolekton de tradiciaj gutkatoj, sed ŝajne ne prizorgis koherecon nek aŭtorecon.
• [volpeon] faris novan bildosignaron de gutkatoj, kiujn ĝi nomas »novkatoj«. Bedaŭrinde, ĝi elektis malliberan permesilon, kaj mi pensas ke la stilo perdas ian ĉarmon de la tradiciaj gutkatoj (kiun mi strebis pli bone konservi).

Krom tiaj bildosignaroj, vi povas trovi gutkatojn en ilia natura medio: Federujaj serviloj kaj aliaj komunikiloj. Se vi aventuremas, vi povas serĉi gutkatojn tie! (Ekzemple, la servilo blob.cat ŝatas gutkatojn.)

Laŭ mia scio ne; se la aŭtoro ne donis ian permeson, la implicita aŭtorrajto limigas tion, kion vi povas fari per ili. La aŭtoroj de plej multaj gutkatoj ŝajnas nekonataj.

Kompreneble, iuj personoj ne prizorgas aŭtorrajton, kaj por iuj uzoj de la gutkatoj (ekz. privata aŭ memea), aŭtorrajto praktike ne estas prizorgata. Sed iuj personoj prizorgas aŭtorrajton, kaj por iuj uzoj la aŭtorrajto gravas; por tiuj, klare donita libera permesilo estas tre bona kaj utila afero.

Ne. Homaj ideoj pri etiko estas diversaj. Se vi havas ekstrajn etikajn postulojn, eblas ke iuj gutkatoj malplaĉos al vi. Tiuokaze, vi povas tre facile forigi la koncernajn gutkatojn. Mi ne povas antaŭvidi, kio estos aŭ ne estos akceptebla por vi, sed mi rekomendas, ke vi kontrolu ĉi tiujn gutkatojn…

Se vi estas italo:

• gutkato_manĝas_picon

Se vi estas vegano aŭ vegetarano:

• gutkato_datreveno
• gutkato_dronfeiĉo
• gutkato_manĝas_*
• gutkato_policano
• gutkato_trinkas_kafon_vienan
• gutkato_trinkas_kakaon
• gutkato_trinkas_lakton

Se vi havas fortan opinion je drogoj:

• gutkato_trinkas_bieron
• gutkato_trinkas_kafon
• kronkato

Se vi havas fortan opinion je religio:

• gutkato_anĝelo
• gutkato_diablo

Se vi havas bezonon eviti montron de danĝero aŭ perforto:

• gutkato_brulas
• gutkato_fantomo
• gutkato_heroo
• gutkato_manĝas_gutkaton
• gutkato_morta

Mi neniam vidis alispecajn (ekz. landajn) flagojn uzatajn per la tradiciaj gutkatoj, kaj aldoni ilin ĉiujn postulus multan penon. Sed la ideo ne malplaĉas al mi.